आंबूलगा ते माकणी फाटा रस्त्या संदर्भात श्रीकांत जाधव कबनुरकर यांचे सार्वजनिक बांधकाम राज्यमंत्री ना.संजय बनसोडे यांना साकडे.
वार्ताहर:-मुखेड तालुक्यातील देगलूर ला जोडणारा आंबूलगा ते माकणी फाटा रस्त्याची वर्क ऑर्डर निघून अनेक महिने झालेले असून देखील संबंधित गुत्तेदार श्री.सगर यांनी काम अद्याप सुरुवात देखील केली नाही रस्त्याची दयनीय अवस्था झालेली असल्यामुळे नागरिकांना ये-जा करणे अवघड झाले आहे एवढंच नसून देगलूर-बाऱ्हाळी ही अनेक वर्षांपासून चालू असलेली एस.टी महामंडळ ची बस देखील रस्त्याची व रस्त्यावरील पुलांची दयनीय अवस्था झाल्यामुळे बंद करण्यात आली आहे त्यामुळे या भागातील प्रवाशांना अनेक हालअपेष्टा सहन कराव्या लागत आहेत या भागातील लोकांचे देगलूर हे उपविभागाचे व बाजारपेठेचे ठिकाण असल्यामुळे त्यांना ये-जा करणे अत्यंत जिकरीचे झाले आहे त्यामुळे ना.संजय बनसोडे साहेबांनी याकडे तात्काळ लक्ष देऊन संबंधित गुत्तेदार व सार्वजनिक बांधकाम विभागातील अधिकाऱ्यांना रस्त्याचे काम चालू करून पूर्ण करण्याच्या सूचना द्यावे जेणेकरून येथील नागरिकांना हालअपेष्टा कमी होतील व दळवळणाची व्यवस्था पूर्ववत होईल असे निवेदन देऊन श्रीकांत जाधव कबनुरकर यांनी चर्चा केली यावेळी सार्वजनिक बांधकाम राज्यमंत्री ना.संजयभाऊ बनसोडे साहेबांनी देखील तात्काळ संबंधित ठेकेदार व अधिकाऱ्यांना सूचना देण्यासंदर्भात संबंधित विभागाच्या स्वीय सहाय्यकास आदेश दिले..
यावेळी प्रवीण पाटील वाकडे सह अन्य कार्यकर्ते उपस्थित होते.
