*विद्यार्थी हक्क कृती समिती, महाराष्ट्र राज्यच्या जिल्हाध्यक्ष पदी शंभू बापूराव सुर्यवंशी तर युवती जिल्हाध्यक्ष पदी पल्लवी हाके यांची सर्वानुमते निवड*
लातूर (जिल्हाप्रतिनिधी) :विद्यार्थी चळवळीतील सक्रिय विद्यार्थी प्रतिनिधी युवा व्याख्याते शंभू बापुराव सूर्यवंशी यांची विद्यार्थी हक्क कृती समिती महाराष्ट्र राज्याच्या जिल्हाध्यक्ष पदी व महाराष्ट्रातील अनेक नामांकित वक्तृत्व वादविवाद स्पर्धेच्या विजेत्या, सामाजिक कार्याची आवड असणाऱ्या युवा व्याख्यात्या कु.पल्लवी हाके यांची समितीच्या लातूर जिल्हा युवती जिल्हाध्यक्ष पदी सर्वानुमते निवड करण्यात आली. विद्यार्थी चळवळीतील नेहमी त्यांचा सक्रिय सहभाग अणि फुले आंबेडकर यांच्या विचारधारेतुन प्रेरित असलेल्या विद्यार्थी हक्क कृती समिती महाराष्ट्र राज्याच्या माध्यामातून महाराष्ट्रातील तळागाळातील विद्यार्थ्यांचा न्याय व हक्कासाठी कार्य करावे अशी अपेक्षा विद्यार्थी हक्क कृती समिती महाराष्ट्र राज्याचे संस्थापक अध्यक्ष चेतन अरविंद पाटील यांनी व्यक्त केली.
समिती मजबूतीने उभी कराल व विद्यार्थी वर्गाला आपला अभिमान वाटेल असे कार्य आपल्या हातून घडेल हीच अपेक्षा असे मत विद्यार्थी हक्क कृती समिती महाराष्ट्र राज्याचे संस्थापक सचिव रामराजे तानाजीराव काळे यांनी व्यक्त केली.सदरील निवड ही आजपासून एका वर्षापर्यंत अधिकृत असणार आहे.
निवडीबद्दल सर्वांनीच त्यांचे अभिनंदन केले, व पुढील वाटचालीसाठी शुभेच्छा दिल्या.
No comments:
Post a Comment