*आधार मोफत स्पर्धा परीक्षा अभ्यासिका व मार्गदर्शन केंद्राचे 'सेट' परीक्षेत घवघवीत यश..*
उदगीर : मातोश्री शारदाबाई पवार बहुउद्देशीय सेवाभावी संस्था संचलित आधार मोफत स्पर्धा परीक्षा अभ्यासिका व मार्गदर्शन केंद्राच्या विद्यार्थ्यांनी सेट परीक्षेत घवघवीत यश संपादन केले आहे. यामध्ये
उर्दू विषयाचे मोहम्मद अजमत उल हक,भूगोल विषयाचे श्रीकांत बेंबडे, इतिहास विषयाचे शिवसांब स्वामी,या विद्यार्थ्यांचा समावेश आहे.
आधार मोफत स्पर्धा परीक्षा अभ्यासिका व मार्गदर्शन केंद्राचे संचालक श्रीकांत जाधव कबनुरकर यांनी उदगीर येथील गरीब व होतकरू विद्यार्थ्यांसाठी लोकसहभागातून उभारलेल्या अभ्यासिकेचे विद्यार्थी पहिल्याच प्रयत्नात उत्तीर्ण झाल्यामुळे श्रीकांत जाधव कबनुरकर यांना आनंदाश्रू तरळले श्रीकांत जाधव यांनी पुढे बोलताना सांगितले की ही अभ्यासिका उभारण्यात ज्या दानशूर व्यक्तींनी सहकार्य केले आहे त्या व्यक्तीमुळे गरीब घरातील तीन विद्यार्थ्यांचे प्राध्यापक होण्याचे स्वप्न साकार होत आहे भविष्यात देखील अनेक विद्यार्थी वेगवेगळ्या परीक्षेच्या माध्यमातून प्रशासनात चमकतील असा विश्वास श्रीकांत जाधव कबनुरकर यांनी व्यक्त केला.
सेट परीक्षा देणाऱ्या विद्यार्थ्यांना मोफत मार्गदर्शन करण्यासाठी उदयगिरी महाविद्यालयाचे मुख्य ग्रंथपाल डॉ. लक्ष्मीकांत पेन्सलवार सर यांनी अथक परिश्रम घेतले त्यामुळे या विद्यार्थ्यांच्या यशात डॉ. पेन्सलवार सर यांचा घारीचा वाटा आहे असे श्रीकांत जाधव कबनुरकर यांनी सांगितले यापुढील काळात देखील डॉ.पेन्सलवार सर यांनी विद्यार्थ्यांना मोफत मार्गदर्शन करण्यासाठी आधार मोफत स्पर्धा परीक्षा अभ्यासिका व मार्गदर्शन केंद्रात येत राहीन अशी ग्वाही दिली..
No comments:
Post a Comment